Tuesday, December 27, 2016


BENEDICTIO VINI
in Festo S. Joannis Apostoli et Evangelistae



In Festo sancti Joannis Ap. et Evang., expleta omno Missa majore, hoc est post ultimum Evangelium, Sacerdos, retentis omnibus paramentis, excepto manipulo, vinum a populo oblatum, in memoriam et honorem S. Joannis, qui venenum innocue sumpsit, benedicit hoc modo:

. Adjutórium nostrum in nómine Dómini.
. Qui fecit cælum et terram.

. Dóminus vobíscum.
. Et cum Spiritu tuo.

Orémus.

Bene
X dícere et conse X cráre dignéris, Dómine Deus, déxtera tua hunc cálicem vini et cujúslibet potus: et præsta; ut per mérita sancti Joánnis Apóstoli et Evangelístæ, omnes in te credéntes et de cálice isto bibéntes benedicántur, et protegántur. Et sicut beátus Joánnes de cálice bibens venénum, illǽsus omníno permánsit, ita omnes, hac die in honórem beáti Joánnis de cálice isto bibéntes, méritis ipsíus ab omni ægritúdine venéni, et nóxiis quibúsvis absolvántur, et córpore ac ánima se offeréntes, ab omni culpa liberéntur. Per Christum Dóminum nostrum.
. Amen.

Béne
X dic, Dómine, hanc creatúram potus: ut sit remédium salutáre ómnibus suméntibus: et præsta per invocatiónem sancti nóminis tui; ut, quicúmque ex eo gustáverint, tam ánimæ quam córporis sanitátem, te donánte, percípiant. Per Christum Dóminum nostrum.
. Amen.

Et benedíctio Dei omnipoténtis, Patris, et Fílii,
X et Spíritus Sancti, descéndat super hance creatúram vini, et cujúslibet potus, et máneat semper.
. Amen.
Et aspergatur aqua benedicta.

(Quod si benedictio illa fiat privatim extra Missam, Sacerdos, superpelliceo et stola indutus, eam conficiat modo superius tradito.)

No comments: